Իսրայելում՝ Ռուսաստանի դեսպանատունը հայտարարություն է արել
Թել Ավիվում Ռուսաստանի դեսպանատունը հայտնել է, որ անվտանգության իրավիճակի «հարաբերական կայունացման» պատճառով ներկայումս ռուսաստանցիների Իսրայել այցելելու համար որևէ խոչընդոտ չկա։ Այս մասին փոխանցում է «ՏԱՍՍ»-ը։
«Անվտանգության իրավիճակի համեմատական կայունացման կապակցությամբ տեղեկացնում ենք, որ ներկայումս Իսրայել այցելելու համար որևէ խոչընդոտ չկա։ Միաժամանակ խորհուրդ ենք տալիս Իսրայելում գտնվող Ռուսաստանի քաղաքացիներին խուսափել Սիրիային և Լիբանանին սահմանակից շրջաններ, ինչպես նաև Գազայի հատվածի ծայրամասեր այցելելուց», - ասվում է հայտարարության մեջ։
Դիվանագիտական առաքելությունը հավելել է, որ մինչև իրավիճակի վերջնական կայունացումը, պետք է ձեռնարկվեն խիստ նախազգուշական միջոցներ, իսկ արտակարգ իրավիճակի դեպքում՝ խստորեն պահպանվեն իսրայելական իշխանությունների հրահանգները։
