Կտրիճ Ներսիսյանի հեռանալն անխուսափելի է․ Արայիկ Հարությունյան
ՀՀ վարչապետի աշխատակազմի ղեկավար Արայիկ Հարությունյանը գրառում է կատարել, որում անդրադարձել է տեղեկություններին, որ այսօր տարբեր թեմերից հոգևորականները հավաքվելու են Հայաստանում՝ ընդգծելով, որ Կտրիճ Ներսիսյանի հեռանալն անխուսափելի է:
«Տեղեկացա, որ այսօր տարբեր թեմերից հոգևորականները հավաքվելու են Հայաստանում, ինչը շատ կարևոր է Եկեղեցու ապագայի համար: Եվ հիմա հոգևորականները ոչ թե պետք է լսեն Կտրիճ Ներսիսյանի խոսքը, թե ինքն ինչպես է օգտագործելու իրենց Մայր Աթոռի շուրջ ճգնաժամը խորացնելու համար, այլ պետք է քննարկեն Կտրիճ Ներսիսյանի անխուսափելի հեռացումից հետո Եկեղեցին ինչպես է գործելու, ով է լինելու տեղապահ և ինչպես է ընթանալու Մայր Աթոռի բարենորոգության գործընթացը»,- գրել է ՀՀ վարչապետի աշխատակազմի ղեկավարը։
