Հայտնի է՝ ինչու է Մակրոնը զանգահարել Պուտինին․ Le Parisien
Ֆրանսիայի նախագահ Էմանուել Մակրոնի և Ռուսաստանի առաջնորդ Վլադիմիր Պուտինի հեռախոսազրույցը վկայում է ԵՄ երկրների կողմից իրանական խնդրի շուրջ բանակցություններին կրկին մասնակից դառնալու փորձի մասին, գրում է ֆրանսիական Le Parisien թերթը՝ հղում անելով աղբյուրներին։
«Այս հեռախոսազրույցը, ամեն դեպքում, վկայում է եվրոպական դիվանագիտության, մասնավորապես՝ Գերմանիայի , Ֆրանսիայի և Մեծ Բրիտանիայի եռյակի՝ Իրանում ուրանի հարստացման հարցի նկատմամբ վերահսկողությունը վերականգնելու ցանկության մասին», - ասվում է հոդվածում։
Ինչպես նշում է հրատարակությունը, զրույցից հետո երկու նախագահներն էլ պնդել են խնդիրը դիվանագիտական ճանապարհով լուծելու համար գործողությունները համակարգելու անհրաժեշտության վրա։
