Թուրքիան բարձրացրեց նավերի տարանցման արժեքը
Թուրքիայի իշխանությունները Բոսֆորի և Դարդանելի նեղուցներով նավերի անցման արժեքը բարձրացնում են 15%-ով՝ հուլիսի 1-ից մինչև 5,83 դոլար մեկ ֆրանկի համար, հայտարարել է երկրի տրանսպորտի և ենթակառուցվածքների նախարարությունը։ Այս մասին հայտնում է «Ռիա Նովոստի»-ն։
Տարանցիկ վճարը մնացել է անփոփոխ գրեթե 40 տարի՝ մինչև 2022 թվականը, այդ ժամանակվանից ի վեր այն տարեկան աճել է, 2024 թվականին տարանցիկ վճարը բարձրացել է գրեթե 15%-ով՝ հասնելով 5.08 դոլարի մեկ ֆրանկի համար:
Գումարը հաշվարկվում է ոսկե ֆրանկի հիման վրա՝ 1936 թվականին Մոնտրյոյի կոնվենցիայի ստորագրումից ի վեր, որը կարգավորում է նեղուցների տարածքում նավագնացությունը:
