Ցանկացած ագրեսիվ հարձակում կստանա «ամենախիստ» պատասխանը․ Լուկաշենկո
Բելառուսի նախագահ Ալեքսանդր Լուկաշենկոն հայտարարել է, որ երկրի դեմ տասնամյակներ շարունակ մղվում է մշտական հիբրիդային պատերազմ, և բելառուսական բանակը ի վիճակի է ամենակոշտ պատասխան տալ ցանկացած ագրեսիվ հարձակման։ Այս մասին հաղորդում է «Բելտա» գործակալությունը։
«Մեր դեմ արդեն մի քանի տասնամյակ է, ինչ մղվում է մշտական հիբրիդային պատերազմ, և այն միայն թափ կստանա ապագայում։ Մենք ունենք պատասխան և անընդհատ ուսումնասիրում ենք ժամանակակից պատերազմների փորձը, վերլուծում և օգտագործում ենք այն ամենը, ինչը կարող է ամրապնդել մեր և Ռուսաստանի պաշտպանությունը։
Մենք խոսում ենք տեխնիկայի և զենքի մասին և, ոչ պակաս կարևորը, զինվորների և սպաների պրոֆեսիոնալիզմի, համախմբվածության, բարոյական և կամային հատկանիշների մասին։ Մենք պատրաստ ենք ամենախիստ պատասխանը տալ ցանկացած ագրեսիվ հարձակման», - նշել է Բելառուսի նախագահը։
