Նա լավ տղա է, պարզապես նեղսրտված էր. Թրամփ
ԱՄՆ նախագահ Դոնալդ Թրամփը վստահեցրել է, որ լավ վերաբերմունք ունի Իլոն Մասկի նկատմամբ, չնայած նրանց միջև տեղի ունեցած կոնֆլիկտին։ Այս մասին նա հայտարարել է Fox News-ին տված հարցազրույցում:
«Կարծում եմ՝ նա հիանալի տղա է, նրա մոտ ամեն ինչ լավ կլինի։ Նա խելացի տղա է, ինձ հետ նա քարոզարշավ է անցկացրել»,- ասել է ամերիկացի առաջնորդը:
Թրամփը հավելել է, որ Մասկը պարզապես նեղսրտված էր, ինչն անտեղի է համարել։ Ամերիկացի առաջնորդի խոսքով՝ Մասկը դժգոհ էր այն փաստից, որ ներկայիս վարչակազմը քայլեր չէր ձեռնարկել էլեկտրական մեքենաների տարածման համար Միացյալ Նահանգներում, քանի որ նրա Tesla ընկերությունը արտադրում է էլեկտրական մեքենաներ։
Նա բացատրել է, որ նույնիսկ ընտրարշավի ժամանակ ցանկանում էր, որ ամերիկացիներն ընտրության հնարավորություն ունենան՝ գնել ավանդական մեքենանե՞ր, թե՞ էլեկտրական:
