Իրանի ԱԳՆ–ն խստորեն դատապարտում է այդ երկրի անհարգալից վարքագիծն ու ծիծաղելի հայտարարությունները
Իրանի արտաքին գործերի նախարարությունը դատապարտել է ԱՄՆ նախագահ Դոնալդ Թրամփի՝ Իսլամական Հանրապետության գերագույն առաջնորդ այաթոլլահ Ալի Խամենեիի մասին արված արտահայտությունները։ Այս մասին նշվում է Իրանի ԱԳՆ նախարարության պաշտոնական Telegram ալիքում տեղադրված հայտարարության մեջ ։
Թրամփը հայտարարել էր, որ անձամբ է փրկել Խամենեիին ամոթալի մահից և կանխել Իսրայելին վերջնական հարված հասցնել Իրանի մայրաքաղաքին:
«Իրանի Իսլամական Հանրապետության արտաքին գործերի նախարարությունը խստորեն դատապարտում է ԱՄՆ նախագահի ծիծաղելի հայտարարությունները և անհարգալից վարքագիծը Գերագույն առաջնորդի և Իրանի ժողովրդի նկատմամբ», - ասվում է հայտարարության մեջ:
