Սպիտակ տունը ճնշում կգործադրի դատավորների վրա. Washington Post
ԱՄՆ նախագահ Դոնալդ Թրամփի վարչակազմը մտադիր է ճնշում գործադրել ամերիկացի դատավորների վրա՝ պետության ղեկավարի ծրագրերի իրականացմանը խոչընդոտող բազմաթիվ որոշումները չեղյալ համարելու համար: Այս մասին Washington Post-ին հայտնել է Սպիտակ տան խոսնակը։
«Կառավարության իրավաբանները ճնշում կգործադրեն դատավորների վրա՝ «որքան հնարավոր է արագ» վերացնելու տասնյակ համընդհանուր որոշումներ, որոնք խոչընդոտում են նախագահի ծրագրերը»,- գրում է հրատարակությունը։
Թրամփի վարչակազմը «ոգեշնչված է» Գերագույն դատարանի վերջերս կայացված որոշմամբ՝ դաշնային դատավորների կողմից Սպիտակ տունը սահմանափակելու լիազորությունների վերաբերյալ, և նախատեսում է վճռականորեն բողոքարկել սահմանափակումները, հայտնում է անանունության պայմանով խոսած աղբյուրը։
«Վարչակազմի առաջնահերթությունների թվում են Կրթության նախարարությանը և Կառավարության արդյունավետության նախարարությանը վերաբերող արգելքները, ինչպես նաև դատարանի որոշումը, որը դադարեցնում է ԱՄՆ Միջազգային զարգացման գործակալության (USAID) լուծարումը», – հավելել է թերթի աղբյուրը։
