ՌԴ Պետդումայի նախկին պատգամավորի մուտքը Հայաստան արգելել են
ՌԴ Պետդումայի նախկին պատգամավոր և Դաշնային խորհրդի սենատոր, ինչպես նաև Աֆղանստանի վետերանների միության ղեկավար Ֆրանց Կլինցևիչն, ով մասնավոր այցով ժամանել էր Երևան, փաստաթղթերի ստուգումից հետո «Զվարթնոց» օդանավակայանի սահմանային հսկողության ժամանակ կանգնել է փաստի առաջ։ Նա ստիպված է եղել Երևանից վերադառնալ Մոսկվա։
Ֆրանց Ադամովիչն օդանավակայանից զանգահարել է KP-ի թղթակցին ու մանրամասներ պատմել. «Սահմանապահները ինձ ասացին, որ ինձ մուտքն արգելված է։ Ես եկել էի՝ հանդիպելու այն մարդկանց հետ, ովքեր օգնեցին ինձ կանգնեցնել Աֆղանստանի վետերաններին նվիրված հուշարձանը»,- ասել է նա:
Կլինցևիչի խոսքով՝ ինքը մտադիր չէր հանդիպել որևէ պաշտոնյայի հետ, և իր ձախողված այցը զուտ անձնական էր։
