Հունգարիան արգելափակեց այդ երկրի մուտքը դեպի ԵՄ կառույց
Եվրամիության գագաթնաժողովում ընդունվելիք եզրափակիչ հայտարարության այն կետը, որը աջակցում էր Ուկրաինայի հետ ԵՄ անդամակցության բանակցությունների մեկնարկին, արգելափակվել է Հունգարիայի կողմից։ Այս մասին ասվում է Ուկրաինայի վերաբերյալ քննարկումներից հետո Եվրոպական խորհրդի կողմից տարածված հայտարարության մեջ և գագաթնաժողովի եզրափակիչ փաստաթղթի նախագծում։
«Եզրափակիչ հայտարարության նախագիծը լիովին աջակցվել է ԵՄ 27 անդամ պետություններից 26-ի կողմից։ Եվրոպական խորհուրդը կանդրադառնա այս հարցին իր հաջորդ նիստում», - նշվում է փաստաթղթում։
Նշենք, որ Հունգարիան նախկինում հայտարարել էր, որ ոչ մի պարագայում չի աջակցի Ուկրաինայի անդամակցությանը Եվրամիությանը։
