Զախարովան շնորհակալություն է հայտնել Ադրբեջանին

Իրանից Ադրբեջանի, Հայաստանի և Թուրքմենստանի միջոցով տարհանվել է մոտ 900 Ռուսաստանի քաղաքացի։ Այս մասին  հայտարարել է ՌԴ Արտաքին գործերի նախարարության պաշտոնական ներկայացուցիչ Մարիա Զախարովան, գրում է «Ռիա Նովոստի»-ն։

Ռուսաստանի ԱԳՆ ներկայացուցիչը  շնորհակալություն է հայտնել Ադրբեջանին, իրավիճակի սրման ընթացքում պայմաններ ստեղծելու և Ռուսաստանի քաղաքացիներին՝ Իրանից և Իսրայելից հեռացնելու համար։

Հավելենք՝ Իրանի վրա Իսրայելի հրթիռային հարվածների սկսվելուց հետո այդ երկրում գտնվող Ռուսաստանի քաղաքացիների մեծ մասը տարհանվել է Իրանի և Ադրբեջանի սահմանին գտնվող Աստարա անցակետի միջոցով։