Իրանի միջուկային օբյեկտները կարող են վերագործարկվել

Պաշտպանության հետախուզական գործակալության (DIA) եզրակացությունները վկայում են, որ ԱՄՆ նախագահ Դոնալդ Թրամփի հայտարարությունը՝ Իրանի միջուկային օբյեկտների «ամբողջական ոչնչացման» մասին, կարող է չափազանցված լինել, հայտնում է The Guardian-ը։

Պենտագոնի հետախուզական ստորաբաժանման զեկույցի համաձայն՝ Իրանի միջուկային ծրագրի հիմնական բաղադրիչները, այդ թվում՝ ցենտրիֆուգները, հնարավոր է վերագործարկվեն ընդամենը մի քանի ամսվա ընթացքում։

Զեկույցում նաև նշվում է, որ Իրանի բարձր հարստացված ուրանի հիմնական մասը, որը կարող էր օգտագործվել հնարավոր միջուկային զենքի ստեղծման համար, նախօրոք տեղափոխվել է ու, ամենայն հավանականությամբ, պահվում է Իրանի վերահսկողության տակ գտնվող այլ գաղտնի միջուկային օբյեկտներում։

Հիշեցնենք՝ Սպիտակ տունը ԱՄՆ-ի հարվածներն Իրանի միջուկային օբյեկտներին անհաջող լինելու մասին հայտարարություն էր արել։