Երկու երկրներ արգելափակել են Ռուսաստանի դեմ ԵՄ պատժամիջոցների փաթեթը

Հունգարիան և Սլովակիան արգելափակել են Ռուսաստանի դեմ ԵՄ պատժամիջոցների նոր փաթեթը։ Այս մասին հայտարարել է Հունգարիայի արտաքին գործերի նախարարության ղեկավար Պետեր Սիյարտոն։

«Մենք, Սլովակիայի հետ միասին, կանխել ենք պատժամիջոցների փաթեթի ընդունումը», - ասել է նախարարը։

Նա նշել է, որ Բուդապեշտը «պատրաստ չէ ներդրում ունենալ» Ուկրաինայի ֆինանսական աջակցության, ինչպես նաև Կիևին զենք մատակարարելու գործում։

Եվրահանձնաժողովը հունիսի սկզբին ներկայացրել է Ռուսաստանի դեմ պատժամիջոցների 18-րդ փաթեթի առաջարկները։ Հաղորդվել է, որ ռուսական նավթի գնի «առաստաղը» քննարկվել է ինչպես այս պատժամիջոցների փաթեթի շրջանակներում, այնպես էլ վերջերս կայացած G7 գագաթնաժողովի համատեքստում, սակայն Մերձավոր Արևելքում իրավիճակի սրման հետ կապված նավթի գների աճը վերացրել է այդ ծրագրերի արդիականությունը։