Իսրայելն անակնկալ ունի Իրանի համար․ ԱՄՆ-ում Իսրայելի դեսպան
Իսրայելը նոր գործողություն է պատրաստել Իրանի դեմ։ Այս մասին ամերիկյան Merit Street հեռուստաալիքին տված հարցազրույցում ասել է ԱՄՆ-ում Իսրայելի դեսպան Եչիել Լեյթերը։
«Մենք մի քանի անակնկալ ենք պատրաստել: Երբ փոշին նստի, հինգշաբթի և ուրբաթ օրերին կտեսնեք որոշ անակնկալներ, որոնց համեմատ (Լիբանանում Հեզբոլլահի դեմ) փեյջերի գործողությունը գրեթե հեշտ կթվան», - ասել է Լեյթերը։
2024 թվականի սեպտեմբերի 17-ին և 18-ին Լիբանանի տարբեր մասերում տեղի ունեցան կապի սարքերի, հիմնականում՝ փեյջերների և ռատիոների բազմաթիվ պայթյուններ։ Հանրապետության իշխանությունների տվյալներով՝ զոհվել է 37 մարդ, վիրավորվել՝ ավելի քան 3,000-ը։
«Հեզբոլլահը» պայթյունների համար մեղադրել էր Իսրայելին։ Իսրայելի պաշտոնյաները հետագայում հաստատել են, որ գործողությունը կազմակերպվել էր երկրի հետախուզական ծառայությունների կողմից։
