«Բացատրեք խելագարին». Իրանը միջուկային զենք չի ունենա․ Թրամփ

ԱՄՆ նախագահ Դոնալդ Թրամփը  լրագրող Թաքեր Կարլսոնին խելագար է անվանել այն բանից հետո, երբ նա Սպիտակ տան ղեկավարին զգուշացրել է չմիջամտել Իրան-Իսրայել հակամարտությանը։ Այս մասին հաղորդում է «Ռիա Նովոստի»-ն։

«Խնդրում եմ, թող ինչ-որ մեկը բացատրի խելագար Թաքեր Կարլսոնին, որ Իրանը չի կարող միջուկային զենք ունենալ», - ասել է Թրամփը։ 

Հավելենք՝ լրագրողը ԱՄՆ նախագահի նախկին խորհրդական Սթիվ Բեննոնին ասել է , որ Իրանի հետ հնարավոր պատերազմը կհանգեցնի աշխարհում ԱՄՆ ազդեցության փլուզմանը և իր նախագահության փաստացի ավարտին։ Նա նաև կասկածել է, որ Միացյալ Նահանգներն ունի Մերձավոր Արևելքում պատերազմի համար անհրաժեշտ ռեսուրսներ, ինչին ի պատասխան ԱՄՆ նախագահը վրդովվել էր։