Իրանում մահապատժի է ենթարկվել լրտեսության մեջ մեղադրվող անձը

Իրանում մահապատժի է ենթարկվել Իսրայելի հետախուզական գործակալության «Մոսսադի» համար լրտեսության մեջ մեղադրվող  տղամարդը, հաղորդում է Mizan լրատվական գործակալությունը։

«Սիոնիստական ​​ռեժիմի օգտին լրտեսության մեջ ձերբակալված և դատապարտված տղամարդը մահապատժի է ենթարկվել այսօր առավոտյան՝ քրեական արդարադատության ամբողջական գործընթացն անցնելուց և Գերագույն դատարանի կողմից նրա դատավճիռը հաստատելուց հետո», - ասվում է հայտարարության մեջ։

Հրատարակության տվյալներով՝ դատապարտված Իսմայիլ Ֆեքրին կալանավորվել է 2023-2024 թվականների ձմռանը՝ Իրանի մասին գաղտնի տեղեկություններ փոխանցելու համար։ Նա,  կապ է պահպանել Իսրայելի հետախուզության երկու գործակալների հետ և նրանցից ստացել է հանձնարարություններ։

Ավելի վաղ Իրանի Իսլամական հեղափոխության պահապանների կորպուսը հայտարարել էր , որ Իսրայելի դեմ գործողությունները կշարունակվեն մինչև նրա լիակատար ոչնչացումը: Զինվորականների խոսքով՝ ապագա գործողությունները կլինեն ավելի ջախջախիչ, դաժան, ճշգրիտ և կործանարար, քան նախորդները: