Իրանի հրթիռային հարվածները խոցել են իսրայելական կարևոր օբյեկտներ
Իրանի՝ Իսրայելին հասցրած հրթիռային վերջին հարվածների հետևանքով երեք մարդ է մահացել, 67-ը՝ վիրավորվել և հոսպիտալացվել, հաղորդել է The Times of Israel թերթը։
Վերջինիս տվյալներով՝ իրանական չորս բալիստիկ հրթիռ հարվածել է Իսրայելի կենտրոնական հատվածին։ Շտապօգնության ծառայությունը տուժածներին հիվանդանոցներ է տեղափոխել․ տուժածներից մեկի վիճակը ծանր է, վեց մարդ միջին ծանրության վնասվածքներ է ստացել։
Ավելի վաղ հաղորդվում էր 29 հոսպիտալացվածի մասին։
Միաժամանակ իրանական հրթիռը խոցել է իսրայելական Հայֆայի էլեկտրակայանը և նավթավերամշակման գործարանը։ Հրապարակվել են կադրեր, որոնցում երևում է էլեկտրակայանի տարածքից բարձրացող ծխի շերտը։
