Իրանի հրթիռային հարվածների հետևանքով Իսրայելի հայ համայնքում տուժածներ չկան
Իսրայելի տարածքին Իրանի հասցրած հրթիռային հարվածների հետևանքով Իսրայելի հայ համայնքի շրջանում տուժածներ չկան:
«Արմենպրես»-ի հետ զրույցում այս մասին հայտնեց Երուսաղեմի Հայոց պատրիարքարանի դիվանապետ Տ. Աղան Աբեղա Գոգչյանը։
Նա նաև տեղեկացրեց, որ Իրանի հարվածների հետևանքով հայերին պատկանող որևէ գույք ևս չի վնասվել։
Հիշեցնենք, որ Իրանը հունիսի 13-ի գիշերը մի քանի փուլով հրթիռային հարվածներ է հասցրել Իսրայելի տարածքին՝ ի պատասխան Իսրայելի կողմից Իրանի տարածքում ռազմական և միջուկային օբյեկտներին հասցրած հարվածների։
