Փեզեշքիանը սպառնացել է Իսրայելին
Իրանի նախագահ Մասուդ Փեզեշքիանը խոստացել է, որ Իրանը «օրինական և հզոր» պատասխան կտա Իսրայելի կողմից Իրանի տարածքում օրվա ընթացքում իրականացված ավիահարվածներին։
Նախագահական գրասենյակի կայքում տեղադրված հայտարարության համաձայն՝ նա այս մասին հայտարարել է Թեհրանի տարբեր հատվածներում և երկրի այլ քաղաքներում Իսրայելի կողմից հասցված մահացու հարվածների կապակցությամբ։
Փեզեշքիանը շեշտել է, որ Իրանի ժողովուրդն ու իշխանությունները չեն լռելու Իսրայելի հանցագործության առջև՝ հավելելով, որ Իսլամական Հանրապետության արձագանքը կստիպի Իսրայելին «զղջալ իր հիմար գործողությունների համար»։
Հիշեցնենք` հունիսի 13-ի վաղ առավոտյան Իսրայելի պաշտպանության բանակը (ՑԱԽԱԼ) Իրանի դեմ լայնածավալ գործողություն է սկսել, թիրախները եղել են Թեհրանում, Թավրիզում, Սպահանում, Իլամում։ Հարձակման է ենթարկվել Նաթանզի միջուկային օբյեկտը։
