Պարզեցվել և հեշտացվել է արտահանաման գործընթացը. ՊԵԿ

Երկրի ներսում պարզեցվել և հեշտացվել է արտահանաման գործընթացը: Այս մասին հայտնում են ՊԵԿ-ից:

Արտաքին տնտեսական գործունեության մասնակիցները հունիսի 1-ից ապրանքների արտահանման գործընթացն այլևս կազմակերպում են 24/7 ռեժիմով։ Հայաստանի Հանրապետությունից, այդ թվում` դեպի ԵԱՏՄ անդամ երկրներ արտահանվող ապրանքների շուրջօրյա ռեժիմով մաքսային սպասարկումը Երևանում առայժմ իրականացվում է միայն «Ուրբան լոջիստիք սերվիսիս տերմինալ» և «Վալենիսա» ժամանակավոր պահպանման պահեստներում, Լոռու մարզում՝ Վանաձորում գործող մաքսային հսկողության գոտում, իսկ Տավուշի մարզում՝ Բագրատաշենի անցման կետի մոտակայաքում գտնվող Այրումում տեղակայված «Դամուար գրուպ» ժամանակավոր պահպանման պահեստում։