ԱՄՆ-ն ու Չինաստանը նոր տնտեսկան գործարք ունեն

Ամերիկայի և Չինաստանի միջև կնքվել է նոր գործարք, որը վերջնական հաստատման փուլում է երկու երկրների առաջնորդների՝ Դոնալդ Թրամփի և Սի Ցզինպինի կողմից։ Համաձայնությամբ նախատեսվում է, որ Չինաստանը սկզբից կմատակարարի բոլոր անհրաժեշտ մագնիսներն ու հազվագյուտ հողային մետաղները։

Նույն պայմանագրով ամերիկյան կողմը պարտավորվում է չինացի ուսանողներին թույլ տալ սովորել ամերիկյան համալսարաններում, ինչը Թրամփը ներկայացրել է որպես դրական քայլ։

Ըստ պայմանավորվածության՝ Ամերիկան սահմանում է 55% մաքսատուրք, իսկ Չինաստանը՝ 10%։

«Հարաբերությունները գերազանց են, շնորհակալություն այս հարցին ուշադրություն դարձնելու համար»,-Truth սոցցանցի իր էջում գրել է Թրամփը։