Բոլոր ուղևորների, այդ թվում՝ ծագումով հայերի անվտանգությունն ապահովված է. Բաքվի օդանավկայան

Իրանի, Իրաքի և Իսրայելի օդային տարածքում թռիչքների սահմանափակումների պատճառով, որոնք սահմանվել էին Իսրայելի կողմից Իրանի տարածքում իրականացված ավիահարվածներից հետո, 13 միջազգային ավիաընկերությունների ինքնաթիռները ստիպված են եղել վայրէջք կատարել Բաքվի Հեյդար Ալիևի միջազգային օդանավակայանում՝ թռիչքներն անվտանգ վերսկսելու համար։ Հարկադիր վայրէջք կատարած ինքնաթիռներից մի քանիսում եղել են նաև Ռուսաստանի Դաշնության հայազգի քաղաքացիներ։

Բաքվի Հեյդար Ալիևի անվան միջազգային օդանավակայանի մամուլի ծառայությունը հայտնել է, որ ապահովվել է բոլոր ուղևորների անվտանգությունն ու հարմարավետությունը։ Նրանց ծառայություններ են մատուցվել միջազգային ավիացիոն օրենսդրությանը համապատասխան։

Նշվում է նաև, որ հարկադիր վայրէջք կատարած թռիչքների կեսից ավելին հետագայում կարողացել է շարունակել թռիչքը։ Մնացած թռիչքների համար համակարգման ընթացակարգերն իրականացվում են միջազգային չափանիշներին համապատասխան։