Պեսկովը՝ ԱՄՆ-ի ներկայիս վարչակազմի մասին
Ռուսաստանի նախագահի մամուլի քարտուղար Դմիտրի Պեսկովը Ռուբիոյի շնորհավորանքը Ռուսաստանի օրվա կապակցությամբ դրական նորություն է անվանել։ Այս մասին հաղորդում է «ՏԱՍՍ»-ը։
«Ռուբիոյի շնորհավորանքները Ռուսաստանի օրվա կապակցությամբ ցույց են տալիս, որ ԱՄՆ ներկայիս վարչակազմը կողմ է խնդիրների լուծմանը երկխոսության միջոցով։ Եվ չնայած մեր երկրների միջև դեռևս կան մեծ թվով անհամաձայնություններ, որոնք անխուսափելիորեն միշտ էլ եղել են և կլինեն, ԱՄՆ-ի ներկայիս վարչակազմը դեռևս կողմ է երկխոսությանը և ամենաբարդ խնդիրները երկխոսության միջոցով լուծելուն։ Սա համընկնում է մեր մոտեցման հետ»,- հավելել է Կրեմլի ներկայացուցիչը։
