Եթե նույնիսկ օբյեկտները ոչնչացվեն, մենք էլի կվերականգնենք․ Իրանի նախագահ
Իրանը կշարունակի ուրանի հարստացումը, և նույնիսկ եթե օբյեկտները ոչնչացվեն, դրանք կվերականգնվեն։ Այս մասին ասել է Իրանի նախագահ Մասուդ Փեզեշքիանը՝ մեկնաբանելով Ատոմային էներգիայի միջազգային գործակալության (ԱԷՄԳ) կառավարիչների խորհրդի կողմից Իրանի դեմ ընդունված բանաձևը։
«Նույնիսկ եթե նրանք մեր օբյեկտները ռումբերով ոչնչացնեն, գիտելիքներն ու հմտությունները կմնան մեր մտքում, և մենք կվերականգնենք նրանց կողմից ոչնչացված ամեն ինչ։ Մենք կգնանք մեր սեփական ճանապարհով, և ուրանի հարստացման գործընթացը կշարունակվի», - հավելել է նա։
Փեզեշքիանը նշել է, որ չնայած ՄԱԳԱՏԷ-ի կառավարիչների խորհրդի կողմից կայացված որոշմանը, Իրանը կշարունակի ուրանի հարստացման իր գործունեությունը։
Նշենք, որ Ատոմային էներգիայի միջազգային գործակալության (ԱԷՄԳ) կառավարիչների խորհուրդը բանաձև է ընդունել, որով հայտարարում է, որ Իրանը 20 տարվա ընթացքում առաջին անգամ չի կատարել միջուկային անվտանգության իր պարտավորությունները։
