Boeing-ը մեկնաբանել է Հնդկաստանում կործանված ինքնաթիռի վթարը․ բոլոր ուղևորները մահացել են

Boeing-ը հայտարարել է, որ կապի մեջ է Air India-ի հետ՝ կապված Հնդկաստանում տեղի ունեցած ինքնաթիռի վթարի հետ, ընկերությունը պատրաստ է աջակցություն ցուցաբերել։ Այս մասին հաղորդում է «Ռիա Նովոստի»-ն։

«Մենք կապի մեջ ենք Air India-ի հետ 171 չվերթի վերաբերյալ և պատրաստ ենք աջակցել նրանց», - ասվում է Boeing-ի պաշտոնական կայքում տեղադրված հայտարարության մեջ։

Հիշեցնենք՝ Հնդկաստանի Գուջարաթ նահանգում՝ Ահմադաբադ քաղաքի օդանավակայանի մոտ, ուղևորատար ինքնաթիռ է կործանվել։ Air India ավիաընկերության տվյալներով՝ ինքնաթիռում եղել է 242 մարդ, այդ թվում՝ երկու օդաչու և տասը ուղեկցորդուհի։