Այո, նրանց դուրս են բերում, կտեսնենք, թե ինչ կլինի. Թրամփ
Անվտանգության ռիսկերի աճի պատճառով կտարհանվեն Իրաքում ԱՄՆ դեսպանատան անձնակազմի մի մասը և նրանց ընտանիքները. գրում է BBC-ն։
«Մենք մշտապես գնահատում ենք մեր դեսպանատներում անհրաժեշտ անձնակազմի թիվը: Վերջին վերլուծության հիման վրա մենք որոշել ենք կրճատել մեր առաքելության ներկայությունը Իրաքում», - BBC-ին հայտնել է ԱՄՆ Պետդեպարտամենտի ներկայացուցիչը:
Այս քայլը հետևել է ԱՄՆ-ի և Իրանի միջև բանակցություններին:
Լրագրողների հետ զրույցում Թրամփը հաստատել է տարածաշրջանում լարվածության ֆոնին Մերձավոր Արևելքից ամերիկյան անձնակազմի մասնակի տարհանման ծրագրերը։
«Այո, նրանց դուրս են բերում, քանի որ Մերձավոր Արևելքը կարող է վտանգավոր վայր լինել: Մենք հանձնարարել ենք դուրս բերել նրանց։ Հետո, կտեսնենք, թե ինչ կլինի»,- ասել է Թրամփը Վաշինգտոնում լրագրողների հետ զրույցում:
Թրամփը նաև հայտարարել է, որ չի թույլատրի Իրանին ունենալ միջուկային զենք: «Նրանք չեն կարող ունենալ միջուկային զենք, ամեն ինչ շատ պարզ է: Մենք դա չենք թույլատրի»:
