Մոսկվայի օդանավակայանները վերսկսել են աշխատանքը
Մոսկվայի օդանավակայաններում ինքնաթիռների ժամանման և մեկնման սահմանափակումները հանվել են։ Այս մասին հայտարարել է Օդային տրանսպորտի դաշնային գործակալության ներկայացուցիչ Արտյոմ Կորենյակոն, գրում է «ՏԱՍՍ»-ը։
Շերեմետևոն, Վնուկովոն, Դոմոդեդովոն և Ժուկովսկին կրկին ընդունում և ուղարկում են ինքնաթիռներ։
Հաղորդվում է, որ սահմանափակումները սահմանվել են թռիչքների անվտանգությունն ապահովելու համար։
Կալուգայի և Տամբովի օդանավակայանները դեռևս չեն ընդունում ինքնաթիռներ։
Հիշեցնենք՝ ավելի վաղ հայտնել էինք, որ Նիժնեկամսկի (Բեգիշչևո), Իժևսկի և Կիրովի (Պոբեդիլովո) օդանավակայաններում թռիչքների սահմանափակումներ են մտցվել։
