ChatGPT-ի աշխատանքում խափանումներ կան. Հայաստանում նույնպես բողոքներ կան

Արհեստական բանականությամբ աշխատող ChatGPT զրուցակից-բոտի օգտատերերը աշխարհի տարբեր երկրներից հաղորդում են լայնածավալ խափանումների մասին. այդ մասին են վկայում հայտնի ինտերնետ-ռեսուրսների աշխատանքի խափանումներին հետևող Downdetector կայքի տվյալները։

Խափանումների ամենաշատ դեպքերը արձանագրվել են Նիդեռլանդներում՝ ավելի քան 4 հազար բողոք։ Ավելի քան հազար բողոք արձանագրվել է նաև Մեծ Բրիտանիայից ու Ճապոնիայից։ Խնդիրներ նկատվել են նաև Հայաստանում, ԱՄՆ-ում, Ֆրանսիայում, Ավստրալիայում, Կանադայում, Բրազիլիայում, Մեքսիկայում, Հնդկաստանում և մի շարք այլ երկրներում։

Որոշ օգտատերեր նաև նշում են OpenAI ընկերության պաշտոնական կայքի, ինչպես նաև ChatGPT-ի բջջային հավելվածի աշխատանքի խափանումների մասին, այդ թվում՝ հաշիվ մուտք գործելու դժվարություններ են առաջացել։