Գլուխ չեն հանում իրենց աշխատանքից. Թրամփը՝ Լոս Անջելեսում տիրող վիճակի մասին
Կալիֆոռնիայի նահանգապետը և Լոս Անջելեսի քաղաքապետը «գլուխ չեն հանում իրենց աշխատանքից»։ Այս մասի Կալիֆոռնիայում բռնկված բողոքի ցույցերի ֆոնին հայտարարել է ԱՄՆ նախագահ Դոնալդ Թրամփը:
«Եթե Կալիֆոռնիայի նահանգապետ Գևին Նյուսքամը և Լոս Անջելեսի քաղաքապետ Կարեն Բասը գլուխ չեն հանում իրենց աշխատանքից, իսկ բոլորը գիտեն, որ նրանք գլուխ չեն հանում, ապա դաշնային կառավարությունը կմիջամտի և կլուծի խռովությունների ու կողոպուտի խնդիրը, այնպես, ինչպես այն պետք է լուծվի»,- գրել է նա:
Հիշեցնենք, որ Լոս Անջելեսում անօրինական ներգաղթյալների արտաքսման դեմ բողոքի ցույցեր են սկսվել, որի ժամանակ նաև բախումներ են եղել։ Ոստիկանությունը արցունքաբեր գազ է օգտագործել բողոքի ցույցերը ցրելու համար։
