Ինչու համաձայնվեցինք պայմանագրի վերջին կետերին. Միրզոյանը պարզաբանել է
ԱԳ նախարար Արարատ Միրզոյանը պատասխանել է այն հարցին, թե ինչու Հայաստանը համաձայնեց խաղաղության պայմանագրի վերջին 2 կետերին:
«Եկավ մի պահ, երբ մենք մտածեցինք, որ հետագա բանակցությունները մնացած քննարկվող ձևակերպումների շուրջ քիչ հավանական է, որ կտան ցանկալի արդյունք, և կստացվի մի իրավիճակ, որ հետագա քննարկումները, որոնք կրկին աղոտ հեռանկարով էին, հարցականի տակ կդնեին արդեն իսկ համաձայնեցված շատ էական ձևակերպումները։
Այդ պատճառով մենք հայտնեցինք վերջին տարբերակի վերջին առաջարկի շուրջ մեր համաձայնության մասին։ Սովորական բանակցություններ են, ցանկացած բանակցություններում վերջում մեկն ասում է՝ «լավ, վերջին ասածդ ընդունելի է», և այդտեղ տեղի է ունենում պայմանավորվածություն»,- ասել է նա:
