ԱՄՆ-ում Զելենսկիին «բռնել են ստի վրա»

ԱՄՆ-ն գնահատում է, որ ուկրաինական օդանավակայանի վրա հարձակման հետևանքով վնասվել է մոտ 20 և ոչնչացվել 10 ռազմական ինքնաթիռ, ինչը Ուկրաինայի առաջնորդ Վլադիմիր Զելենսկիի կողմից հաղորդված թվի կեսն է։ Այս մասին հաղորդում է Reuters-ը՝ հղում անելով աղբյուրներին։

«Միացյալ Նահանգները գնահատում է, որ շաբաթավերջին ուկրաինական անօդաչու թռչող սարքերի հարձակման հետևանքով վնասվել է մոտ 20 ռուսական ռազմական ինքնաթիռ, որոնցից մոտ 10-ը ոչնչացվել են: Այս թիվը մոտ կեսն է Ուկրաինայի նախագահ Վլադիմիր Զելենսկիի կողմից տրված գնահատականի», - ասվում է հրատարակության մեջ։

Այնուամենայնիվ, գրում է Reuters-ը, ԱՄՆ պաշտոնյաները հարձակումը որակել են որպես «չափազանց նշանակալի», և նրանցից մեկը զգուշացրել է, որ դա կարող է ստիպել Մոսկվային շատ ավելի կոշտ դիրքորոշում ընդունել ԱՄՆ-ի միջնորդությամբ ընթացող բանակցություններում։

Ավելի վաղ հայտնել էինք, որ Ուկրաինայի անվտանգության ծառայությունը «Սարդոստայն» կոչվող հատուկ գործողություն է սկսել՝ նպատակ ունենալով ոչնչացնել ՌԴ ռազմավարական ռմբակոծիչները։ Ուկրաինական լրատվամիջոցների հաղորդմամբ՝ արդեն խոցվել է ավելի քան 40 ինքնաթիռ, այդ թվում՝ ռազմավարական ռմբակոծիչներ և ինքնաթիռներ։ Ընդհանուր վնասը գնահատվում է ավելի քան 2 մլրդ դոլար։