Զելենսկին հրավիրվել է Հաագա. հայտնի չէ՝ ինչ կքննարկվի
ՆԱՏՕ-ի գլխավոր քարտուղար Մարկ Ռյուտեն Ուկրաինայի նախագահ Վլադիմիր Զելենսկուն հրավիրել է Հաագայում կայանալիք դաշինքի գագաթնաժողովին: Այս մասին հաղորդում է Algemeen Dagblad թերթը։
«Մենք հանդիպում ունեցանք ՆԱՏՕ-ի գլխավոր քարտուղարի հետ։ Մեզ հրավիրել էին ՆԱՏՕ-ի գագաթնաժողովին։ Կարծում եմ՝ դա կարևոր է», - ասել է Ուկրաինայի նախագահը։
Թերթի փոխանցմամբ՝ դեռևս հայտնի չէ, թե գագաթնաժողովի ընթացքում ինչ միջոցառումների է վերաբերում հրավերը։ Դիվանագիտական աղբյուրները ենթադրել են, որ Ուկրաինայի առաջնորդը կհրավիրվի թագավորական պալատում ընթրիքի, որտեղ ներկա կլինեն ԱՄՆ նախագահ Դոնալդ Թրամփը և ՆԱՏՕ-ի այլ ղեկավարներ։
