Ամռան առաջիկա օրերին տեղումները կշարունակվեն. մանրամասներ
Այսօր և վաղը կեսօրից հետո Հայաստանի առանձին շրջաններում կարճատև անձրև և ամպրոպ է սպասվում, հնարավոր է նաև կարկուտ։ Այս մասին հայտնում է Հիդրոօդերևութաբանության և մոնիտորինգի կենտրոնը։
Հունիսի 3-4-ին առանձին հատվածներում անձրևները կլինեն հորդառատ։ Ամպրոպի ժամանակ սպասվում է քամու ուժգնացում՝ 18-22 մ/վ արագությամբ։
Օդի ջերմաստիճանն այսօր կշարունակի բարձրանալ, բայց հունիսի 3-4-ին 5-6 աստիճանով կնվազի։
Երևանում հունիսի 1-ին տեղումներ չեն սպասվում։ Ցերեկային ժամերին մայրաքաղաքում օդի ջերմաստիճանը կտատանվի +30-32, գիշերը` +16-18 աստիճանի սահմաններում։
