Ֆիդանը՝ Պուտինի հետ ունեցած հանդիպումից հետո մանրամասներ է հայտնել

Թուրքիայի արտաքին գործերի նախարար Հաքան Ֆիդանը հայտարարել է, որ քննարկել է Ուկրաինայի հարցով Ստամբուլում կայացած բանակցությունները Ռուսաստանի նախագահ Վլադիմիր Պուտինի հետ, ինչպես նաև փոխանցել է նրան Անկարայի դիրքորոշումը և լսել Մոսկվայի արձագանքը։ Այս մասին հայտնում է «Ռիա Նովոստի»-ն։

«Անկեղծ ասած՝ հանդիպումն անցավ շատ ջերմ մթնոլորտում։ Մենք հիմնականում խոսեցինք Ուկրաինայի շուրջ բանակցությունների մասին։ Խոսեցինք Թուրքիայի և Ռուսաստանի միջև հարաբերությունների, ինչպես նաև Ստամբուլում բանակցություններից հետո մենք որոշ կարծիքներ ունեցանք, ես փոխանցեցի դրանք, լսեցի նրանց արձագանքը, որպեսզի երբ Կիև գնամ, արդյունավետ այցելություն ունենամ», - ասել է նա։