Էրդողանը՝ Զանգեզուրի միջանցքի մասին․ հուսանք Իրանը կաջակցի
Մենք ուզում ենք խաղաղություն և անդորրություն տեսնել Հարավային Կովկասում։ Այս մասին, Anadolu գործակալության փոխանցմամբ, ասել է նախագահ Ռեջեփ Թայիփ Էրդողանը:
«Զանգեզուրի միջանցքը ոչ միայն ցամաքային ճանապարհ է Ադրբեջանի և Նախիջևանի համար, այլև նոր ինտեգրացիոն գիծ, որը տարածվում է Թուրքիայի միջով դեպի թյուրքական աշխարհ։ Այս միջանցքի բացումը մոտ ապագայում կամրապնդի Հարավային Կովկասի տրանսպորտային և էներգետիկ ենթակառուցվածքները։
Մենք ակնկալում ենք, որ մեր հարևան Իրանը կաջակցի այս քայլերին, որոնք կծառայեն մեր տարածաշրջանի խաղաղությանը և զարգացմանը։ Յուրաքանչյուր քայլ, յուրաքանչյուր բացված դուռ ու միջանցք կբերի տնտեսական օգուտներ և, վերջին հաշվով, կմերձեցնի երկրները», - նշել է Թուրքիայի նախագահը։
