Գորիսում Ֆրանսիան հյուպատոսություն կբացի
Ֆրանսիան շարունակում է մնալ Լեռնային Ղարաբաղից տեղահանվածների և նաև Հայաստանի կողքին։ Այս մասին ՀՀ Արտգործնախարար Արարատ Միրզոյանի հետ համատեղ մամուլ ասուլիսի ժամանակ ասել է Ֆրանսիայի ԱԳ նախարարը՝ Ժան-Նոել Բարոն։
«Հարկ եմ համարում նաև ընդգծել մեր համագործակցությունը պաշտպանական ոլորտում՝ թե՛ մասնագետների վերապատրաստումների, թե՛ սպառազինությունների տրամադրման հարցում։ Այս ամենի նպատակն է Հայաստանին հնարավորություն տալ ապահովելու երկրի պաշտպանությունն ու սուվերենությունը»,- ասել է Ֆրանսիայի ԱԳ նախարարը։
Նրա խոսքով՝ Հայաստանի և Ֆրանսիայի հարաբերությունները երբևէ այսքան ինտենսիվ և վստահելի չեն եղել։
Հավելենք՝ Ֆրանսիայի Արտգործնախարարը հայտարարել է, որ Գորիսում Ֆրանսիան հյուպատոսություն կբացի։
«Սա շատ կարևոր համագործակցություն է մեր երկու երկրների միջև։ Սա նաև քաղաքական ազդանշան է»,- ասել է Ժան-Նոել Բարոն։
