Վարորդը կվադրոցիկլը վարել է առանց վարորդական իրավունքի
Քառանիվի (կվադրոցիկլի) վարորդը տրանսպորտային միջոցը վարել է առանց վարորդական իրավունքի: Այս մասին Auroranews-ի հետ զրույցում հայտնեց ՔԿ խոսնակ Կիմա Ավդալյանը:
Քառանիվի (կվադրոցիկլ) կողաշրջման դեպքի առթիվ նախաձեռնվել է քրեական վարույթ ՔՕ 342-րդ հոդվածի 4-րդ մասի հատկանիշներով` հանցագործության համար, որը կատարվել է հարբած (ոչ սթափ վիճակում) կամ համապատասխան տրանսպորտային միջոց վարելու իրավունք չունեցող անձի կողմից։ 1 անձ ձերբակալվել է:
ՔԿ խոսնակը նաև հայտնել է, որ ներկայում վարորդին կալանավորելու միջնորդություն է նախապատրաստվում։
Հիշեցնենք` մայիսի 24-ին՝ ժամը 11։30-ի սահմաններում, Ծաղկաձորի Վ.Հարությունյան փողոցում տեղի է ունեցել քառանիվի ինքնավթար։ Չորս ուղևորները տեղափոխվել են «Հրազդան» բժշկական կենտրոն, որտեղից ահազանգ է ստացվել ՆԳՆ ոստիկանություն։ Բժշկական կենտրոն տեղափոխված չորս անձից երկուսը՝ 2009 թվականին ծնված աղջիկներ, մահացել են։
