Մարմարիկ գետում հայտնաբերեցին 2-ամյա երեխայի մարմինը

Ջրասուզակներն ու փրկարարները Մարմարիկ գետում հայտնաբերեցին 2-ամյա Տիգրանի մարմինը:Այս մասին հայտնել է ՆԳՆ խոսնակ Նարեկ Սարգսյանը:

«Սիրելի՛ քաղաքացիներ, ցավալի լուր պետք է հայտնեմ։

Այսօր՝ ժամը 10։40-ի սահմաններում, ՆԳՆ փրկարար ծառայության աշխատակիցները, Մարմարիկ գետում՝ Հրազդան ՋԷԿ-ի մոտակա կամրջի մոտ, հայտնաբերել են մայիսի 4-ից որոնվող երեխայի դին։

Ցավակցում ենք փոքրիկի հարազատներին, համայնքի բնակիչներին, կիսում կորստյան ծանր վիշտը»,- գրել է Սարգսյանը։

Հիշեցնենք` 2 տարեկան Տիգրանը մայիսի 4–ին էր Մարմարիկ գետի ափին կորել։ Այդ օրվանից Մարմարիկ գետի երկայնքով քաղաքացիները, հրշեջ- փրկարարները, պարեկները որոնողական աշխատանքներ էին իրականացնում։