Կասեցվել է Հարվարդում օտարերկրացիների ընդունելության արգելքը
Դատարանը ժամանակավորապես կասեցրել է Հարվարդի համալսարանում օտարերկրացիներին ընդունելու արգելքը, որն ավելի վաղ նախաձեռնել էր ԱՄՆ կառավարությունը։
Հարվարդի համալսարանն ավելի վաղ Դոնալդ Թրամփի վարչակազմի դեմ հայց էր ներկայացրել Բոստոնի դաշնային դատարան: Բուհում պնդում են, որ ԱՄՆ կառավարության կողմից Հարվարդին օտարերկրացի ուսանողների ընդունելության իրավունքից զրկելը խախտում է առաջին ուղղումը: Այժմ Հարվարդի համալսարանի ավելի քան 7 հազար միջազգային ուսանողներ կարող են շարունակել ուսումը ՝ չվախենալով անհապաղ արտաքսումից։
Հիշեցնենք՝ ավելի վաղ տեղեկացրել էինք, որ ԱՄՆ նախագահ Դոնալդ Թրամփի վարչակազմն արգելել է Հարվարդի համալսարանին օտարերկրյա ուսանողների ընդունել։
