Դա ճանապարհ կբացի. Ռուբիո

Ամերիկայի Միացյալ Նահանգներում ակնկալում են, որ Ռուսաստանը կներկայացնի Ուկրաինայում հրադադարի իր պայմանները: Նման հայտարարություն  արել է պետքարտուղար Մարկո Ռուբիոն։

Նրա խոսքով ՝ դրանից հետո Մոսկվայի դիրքորոշումն ավելի պարզ կդառնա Վաշինգտոնի համար։

«Որքան մենք հասկանում ենք, ռուսները պատրաստում են այն պայմանների ցանկը, որոնց դեպքում նրանք պատրաստ կլինեն հրադադարի։ Դա ճանապարհ կբացի ավելի լայն բանակցությունների համար»,- ասել է ԱՄՆ պետքարտուղար Մարկ Ռուբիոն։

Ավելի վաղ ԱՄՆ պետքարտուղարը հայտարարել էր, որ Ուկրաինայի հակամարտությունը հնարավոր է կարգավորել միայն բանակցությունների միջոցով: Նրա կարծիքով՝ այն ռազմական լուծում չունի։