Եվրոպայի ամենաակտիվ հրաբխի ժայթքումն ուժեղացել է
Եվրոպայի ամենաակտիվ հրաբխի՝ Էթնայի, որը գտնվում է Սիցիլիա կղզում, ժայթքումն ուժեղացել է, սակայն Կատանիայի օդանավակայանը առայժմ չի փակվել, տեղեկացրել է ANSA-ն։
Փոքր ցնցումների ինտենսիվությունը հրաբխի ժայթքման պատճառով հասել է առավելագույնին երկուշաբթի ժամը 21.00-ից հետո և այժմ բարձր մակարդակի վրա է գտնվում։
Հարավարևելյան խառնարանից տեղի են ունենում հաճախակի և ինտենսիվ ժայթքումներ, սակայն լավայի հոսքը արևելք և հարավ-արևելք մեծ չէ։ Ծուխը տարածվում է նաև այդ ուղղությամբ։
Ժայթքումն առայժմ չի ազդել Սիցիլիայի Կատանիա քաղաքին մոտ գտնվող միջազգային օդանավակայանի աշխատանքի վրա, որը մշտապես ենթակա է հրաբխային ակտիվության վտանգին։
