Հռոմի պապը՝ մարդկության ամենակարևոր խնդրի մասին
Հռոմի նոր պապ Լևոն XIV-ն ուրվագծել է պապականության իր տեսլականը և արհեստական բանականությունը համարել է մարդկության ամենակարևոր խնդիրներից մեկը։ Այս մասին հայտնում է Associated Press-ը։
Իր ելույթում նա խոստացել է շարունակել հետևել իր նախորդի՝ Հռոմի պապ Ֆրանցիսկոսի հիմնական առաջնահերթություններին։ Նա կոչ է արել պահպանել Ֆրանցիսկոս պապի «արժեքավոր ժառանգությունը»։
Լևոն XIV-ի խոսքով, այն իրենից ներկայացնում էր «համարձակ և վստահելի երկխոսություն ժամանակակից աշխարհի հետ՝ իր տարբեր բաղադրիչներով և իրողություններով»։
