Ուկրաինան կարող է հրաժարվել ԱՄՆ դոլարից
Ուկրաինայի Կենտրոնական բանկի նախագահ Անդրիյ Փիշնիյը հայտնել է, որ Ուկրաինան կարող է հրաժարվել ԱՄՆ դոլարից՝ փոխարենը որպես հիմնական հաշվարկային արժույթ օգտագործելով եվրոն։
Այդ հնարավորությունն այժմ ուսումնասիրում է Կենտրոնական բանկը՝ հաշվի առնելով համաշխարհային առևտրի հնարավոր վերակազմավորումը և Ուկրաինայի՝ Եվրոպայի հետ կապերի խորացումը։
«Եվրամիությանը անդամակցելու հեռանկարը, ԵՄ-ի դերի աճը մեր պաշտպանական կարողությունների ձևավորման մեջ, ինչպես նաև համաշխարհային շուկաներում աճող տատանողականությունն ու առևտրային համակարգի հնարավոր բեւեռացումը Կենտրոնական բանկին դրդում են վերանայել՝ արդյոք եվրոն կարող է փոխարինել դոլարին որպես հիվնայի հիմնական հաշվարկային արժույթ»,- ասել է Փիշնիյը:
Նրա խոսքով՝ այդ գործընթացը բարդ է և պահանջում է բարձրակարգ ու բազմակողմանի պատրաստություն:
