Պակիստանը ողջ գիշեր գնդակոծել է Հնդկական շրջանները
Պակիստանը ամբողջ գիշեր չհրահրված կրակ է բացել Հնդկական Ջամու և Քաշմիր միութենական տարածքում վերահսկողության գծի ողջ երկայնքով: Այս մասին ասվում է Հնդկաստանի ցամաքային ուժերի հայտարարության մեջ, որը մեջբերում է ANI գործակալությունը։
«Մայիսի 7-ի լույս 8-ի գիշերը Պակիստանի բանակը հրաձգային զենքից գնդակոծություն են իրականացրել վերահսկողության գծի ողջ տարածքում՝ Ջամուի և Քաշմիրի Կուպվարայի, Բարամուլլայի, Ուրիի և Ահնոուայի շրջաններում: Հնդկական ցամաքային ուժերը անպատասխան չեն թողել այդ հարվածները»,- հայտարարել են հնդիկ զինվորականները:
Հիշեցնենք՝ Հնդկաստան-Պակիստան հարաբերությունները սրվել են ապրիլի 22-ին Ջամու և Քաշմիր քաղաքներում Պահալգամ քաղաքում տեղի ունեցած ահաբեկչությունից հետո, որի հետևանքով զոհվել է 25 հնդիկ և 1 նեպալցի: Հնդկաստանը հայտարարել է, որ ապացույցներ ունի Պակիստանի միջգերատեսչական հետախուզության հարձակմանը մասնակցության մասին:
