Թուրքիան կաջակցի Պակիստանին. Հաքան Ֆիդան

Թուրքիայի Արտաքին գործերի նախարար Հաքան Ֆիդանը հեռախոսազրույց է ունեցել իր պակիստանցի գործընկերոջ՝ Մոհամմեդ Իսհակ Դարի հետ, իր աջակցությունը հայտնել Պակիստանին՝ կապված վերջին իրադարձությունների հետ։ Այս մասին հայտնում են Թուրքիայի Արտաքին գործերի նախարարությունից:

«Թուրքիայի ԱԳ նախարար Հաքան Ֆիդանը զանգահարել է Պակիստանի ԱԳ նախարար Իսհակ Դարին՝ Թուրքիայի համերաշխությունը հայտնելու նրան՝ Հնդկաստանի սանձազերծած ագրեսիայի դեմ, որը խախտում է Պակիստանի ինքնիշխանությունը և սպանում խաղաղ, անմեղ բնակիչների»,- հայտնել են ԱԳՆ-ից։

Նախարարները պայմանավորվել են իրավիճակի զարգացման վերաբերյալ սերտ գործակցությունը շարունակել։