Ոստիկանության 9 աշխատակից է ձերբակալվել. մանրամասներ

Այսօր վաղ առավոտից Հակակոռուպցիոն կոմիտեն հատուկ միջոցառում է իրականացրել Վաղարշապատի ոստիկանության բաժնում: Այս մասին հայտնել են լրատվամիջոցները:

ՆԳՆ ներքին անվտանգության և հակակոռուպցիոն վարչությունում իրականացված ուսումնասիրությունների արդյունքում ձեռք բերված տեղեկությունների հիման վրա հաղորդում է ուղարկվել Հակակոռուպցիոն կոմիտե:

ՀՀ հակակոռուպցիոն կոմիտեից ասել են, որ իրականացվել է միջոցառում քննվող քրեական վարույթի շրջանակում։ Ոստիկանության 9 աշխատակից է ձերբակալվել հանցագործության դեպք թաքցնելու և այդ կապակցությամբ պաշտոնեական կեղծիք կատարելու մեղադրանքներով։