Նրանք տեսան Պակիստանի՝ որպես միջուկային պետության քաջությունն ու ուժը. Պակիստանի վարչապետ

Պակիստանի ժողովուրդը պետք է հպարտանա: Այս մասին հայտարարել Է Իսլամական Հանրապետության վարչապետ Շահբազ Շարիֆը, հաղորդում է Geo TV հեռուստաալիքը:

«Պակիստանի ժողովուրդը պետք է հպարտանաազգային զինված ուժերի «մեծ հաղթանակով», որոնք պրոֆեսիոնալիզմ, հայրենասիրություն և համերաշխություն են ցուցաբերել այս գիշեր հնդկական ռազմաօդային ուժերի զանգվածային ավիահարվածը հետ մղելիս»,- ասել է Շարիֆը:

Նրա խոսքով՝ Պակիստանի զինված ուժերը ջախջախիչ պատասխան են տվել, որը Հնդկաստանին ցույց է տվել Պակիստանի իրական ուժն ու պատրաստակամությունը:

«Պատասխան գործողությունները շփոթության մեջ գցեցին հակառակորդին և ստիպեցին նրան գիտակցել Պակիստանի՝ որպես միջուկային պետության  քաջությունն ու ուժը: Մեր զինված ուժերը կոփված են մարտերում»,- հայտարարել է Պակիստանի վարչապետը: