Կանադան ապրանք չէ, մենք չենք վաճառվում. Մարկ Քարնի
Ես դեռ կարծում եմ, որ Կանադան պետք է դառնա ԱՄՆ-ի 51-րդ նահանգը, «Երբեք մի ասա երբեք»: Այս մասին հայտարարել է ԱՄՆ նախագահ Դոնալդ Թրամփը Կանադայի վարչապետ Մարկ Քարնիի հետ ունեցած զրույցի ժամանակ, գրում է «ՏԱՍՍ»-ը:
«Կանադան ապրանք չէ։ Մենք չենք վաճառվում և երբեք չենք վաճառվի», - ի պատասխան Թրամփի հայտարարությանը ասել է Քարնին։
Կանադայի վարչապետը հավելել է, որ Օտտավայի իշխանությունները Վաշինգթոնի ղեկավարության հետ տնտեսական հարաբերությունները դիտարկում են որպես գործընկերություն և մտադիր են խորացնել համագործակցությունը, այդ թվում՝ անվտանգության և պաշտպանության ոլորտում:
