Բունդեսթագը նոր կանցլեր կընտրի
Բունդեսթագը կքվեարկի Գերմանիայի նոր կանցլերի թեկնածությունը, ով նախնական տվյալներով, կլինի «Քրիստոնեա-դեմոկրատական» կուսակցության առաջնորդ Ֆրիդրիխ Մերցը։
Կառավարության ղեկավարն ընտրվում է խորհրդարանի անդամների կողմից գաղտնի քվեարկությամբ՝ առանց նախագահի առաջարկի նախնական քննարկման։ Սա խորհրդարանական ընտրություններում ամենաշատ ձայներ ստացած կուսակցության թեկնածուն է։
Գերմանիայի «Սոցիալ-դեմոկրատական» կուսակցության (SPD), «Քրիստոնեա-դեմոկրատական» և «Քրիստոնեա-սոցիալական միությունների (CDU/CSU) պահպանողական դաշինքի» առաջնորդները մայիսի 5-ին՝ Բունդեսթագի արտահերթ ընտրություններից 10 շաբաթ անց, կոալիցիոն համաձայնագիր են ստորագրել՝ դրանով իսկ ճանապարհ հարթելով Մերցին կանցլեր ընտրելու համար։
Ղեկավար դառնալու համար նա պետք է ապահովի 630 պատգամավորներից 316-ի աջակցությունը։ Ընտրվելուց հետո 69-ամյա Մերցը նախագահ Ֆրանկ-Վալտեր Շտայնմայերից իր նշանակման նամակը կստանա Բելվյու պալատում և կվերադառնա Բունդեսթագ, որտեղ երդում կտա։
Մայիսի 6-ի երեկոյան՝ նախորդ կոալիցիայի փլուզումից վեց ամիս անց, նոր կառավարությունը կկարողանա սկսել աշխատանքը։
