Այդ հաղթանակը միայն մեր շնորհիվ է եղել. Թրամփ
ԱՄՆ նախագահ Դոնալդ Թրամփը կարծիք է հայտնել, որ Ամերիկան ամենանշանակալի ներդրումն է ունեցել համաշխարհային պատերազմներում հաղթանակի գործում, գրում է «Ռիա Նովոստի»-ն:
«Մենք հաղթել ենք երկու համաշխարհային պատերազմներում, բայց երբեք մեզ արժանի չենք համարել: Ամբողջ աշխարհում տոնում են Երկրորդ համաշխարհային պատերազմում մեր հաղթանակը։ Միակ երկիրը, որը չի տոնում, Ամերիկայի Միացյալ Նահանգներն է, իսկ այդ հաղթանակը միայն մեր շնորհիվ է եղել»,- հայտարարել Է Թրամփը:
Ավելի վաղ ԱՄՆ նախագահ Դոնալդ Թրամփը մայիսի 8-ը հայտարարել էր հաղթանակի օր՝ նշելով, որ ԱՄՆ-ն այլ երկրներից շատ ավելին է արել Երկրորդ համաշխարհային պատերազմում հաղթելու համար: Սակայն նա այդ օրերը հանգստյան օր չի հայտարարել՝ բացատրելով, որ «Ամերիկայում առանց այդ էլ շատ տոներ կան»։
